മാണിക്യവീണയുമായെൻ മനസിന്റെ
താമര – പൂവിലുണർന്നവളേ
പാടുകില്ലേ വീണ മീട്ടുകില്ലേ
നിന്റെ വേദനയെന്നോടു് ചൊല്ലുകില്ലേ
ഒന്നും മിണ്ടുകില്ലേ… ( മാണിക്യ)
എൻ മുഖം കാണുമ്പോൾ നിൻ കണ്ണിണകളിൽ
എന്തിത്ര കോപത്തിൻ സിന്ദൂരം
എന്നടുത്തെത്തുമ്പോൾ എന്തുചോദിക്കിലും
എന്തിനാണെന്തിനാണീ മൌനം ( മാണിക്യ)
മഞ്ഞുകൊഴിഞ്ഞല്ലോ മാമ്പൂ കൊഴിഞ്ഞല്ലോ
പിന്നെയും പൊൻ‌വെയിൽ വന്നല്ലോ
നിൻ‌മുഖത്തെന്നോ മറഞ്ഞൊരാ പുഞ്ചിരി
എന്നിനി എന്നിനി കാണും ഞാൻ ( മാണിക്യ)